همسات لأدم كى يفوز بقلب حواء

اهلا بيكم ونكمل سوا همسات القمر لكل شباب المنتدى:

بصوا بقى يا شباب الموضوع بالنسبالكم اصعب خلينا واقعيين ونقول ان البنات اكتر غيره وشك من الولاد وبالتالى فالموضوع محتاج من حضرتك جهد مضاعف علشان تكسب قلب حواء وكمان تقدر تحافظ عليه لانه سهل يضيع لو حست للحظه انك مش معاها ولذلك فلك منى عزيزى الشاب تلك النصائح:.


لما تحب بجد اتعلم ازاى تحافظ على حبك بكل الطرق لانك لو لقيت الحب الحقيقى والانسانه المناسبه ثق تمام الثقه انهم لو ضاعوا منك لا عوده بعد اليوم وهتفضل طول عمرك تندم على ده


اعرف شخصيه حبيبتك كويس وحدد اسلوبها واقف على نقاط ضعفها مع العلم بان نقاط الضعف دى ممكن فى لحظه تتحول لنقاط قوه ضدك،، بمعنى انها لو:.

من الشخصيات العاقله ،، :.حاول دايما تكسب ثقتها وتكلمها بلغه المنطق والعقل

تحذير هام :. احذر انك تكذب عليها لانك لو فقدت ثقتها مهما هتحاول تثبت صدقك بعد كده مش هتصدقك


اما اذا كانت رومانسيه ومن النوع الهادى فى التعامل:.حاول انك دايما توصل لاحساسها اعرف احلامها ومشاعرها وحاول على قد ما تقدر تكون مطابق لنموذج فارس احلامها ،، اعطيها احساس انك الفارس اللى حلمت بيه طول عمرها وقتها قلبها هيبقى معاك يا بطل ومن غير كلام


اما اذا كانت من النوع الغيور والشكاك زى اختكم كده
هههههههه
دى بقى لازم تكون حريص فى تعاملك معاها لانها ممكن تقلب عليك فى لحظه لو محستش بالامان معاك وليك،، حضرتك مطالب دايما تثبت اخلاصك وحبك ليها

بس من مميزات النوع ده انه لو حب بجد وخدت انت ثقته هتملكها طول عمرها بس حط عنيك عليها هى وبطل بص على اللى راحه واللى جايه والا....

واحب اختم كلامى لكل الشباب ببعض الكلمات وهى:.

طالما انت حبيت بجد ومتأكد من حبك متتنازلش عن الحب ده اتعب علشان توصله لانك كل ما تخلى البنت اللى بتحبها تحس بحبك وقد ايه بتتعب علشان ترضيها وانها اميره احلامك وهى وبس جوه قلبك ... هتكون انت جوه قلبها وعنيها