الرئيسية
أحدث الصور
التسجيل
دخول
لا تفعل " كخ "
وددت اليوم أن ألفت انتباهكن و خاصة الأمهات منكن إلى موضوع مهم جدا في نظري...
و هو الأطفال من سنة إلى السنتين و نصف...
ألا وهو حب الاستكشاف عندهم....
فالآباء تعودا على كلمة ( كــــخ) و هي بالعربية تقال للأطفال كي يتركوا أشياء بأيديهم لسبب ما....و تعودا قولها دون النظر لما يفعلوه هل هو صحيح أم استكشاف أم أذى..!!!!
المهم بالأمس وجدت بنت اختي الصغيرة و عمرها سنة و نصف...تحاول أن تلعب باكسسوار التسريحة و كنت على وشك أن أقول لها ( كـــــــــــــــــــخ) ..ولكني انتظرت لأعلم ما تفعله...فكانت تحاول استكشاف ماذا يحصل لو قلبت الاكسسوار ثم عدلته...!!!!
ربما لا يعني الكثيرات منكن و لكن صدقوني حاولوا فعلا ملاحظة أطفالكن و ما يفكروا به و ما يحاولون معرفته...
وهذا ينم عن ذكاء و ليس ( مشــــــــــــــــاكل )...
لكن الكلام السابق ده كان داخل الاسرة من الاب والام فهل تعلمون ماذا تفعل الروضة اليوم للعقاب
اساليب العقاب اتغيرت من زمان دلوقتى فى naughty chair او كرسى العقاب
دى وسيله فعاله لعقاب الاطفال فوق السنتين
لو عمل حاجه غلط بيتفضل يقعد على الكرسى لحد ماماما تسمح له انه يكمل لعب
المشكله فعلا فى الطفل اللى تحت السنتين بيبقى فاهم كل حاجه ومستكشف صغير وبيعمل مصايب وماتعرفيش تعاقبيه وعاوز يعرف كل حاجه
وفى ثانيه ممكن يحول المطبخ لدمار شامل وياسلام لو وصل للكبايات والاطباق
وساعتها بتحاولى تكثفى نشاطك فى الفتره اللى هو نايم فيها لكن اول مايصحى
لازم نقفل المطبخ والحمام بالمفتاح عشان سيادته وسلامة حضرته
والكارثه بعد ما الطفل يكبر شويه وخلاص بيبقى فاهم ان عقابه هو انه يقعد على الكرسى فتره فبيعمل الغلطه ومابتبقيش عارفه تعاقبيه ازاى
وفى النهايه مساله العقاب دى بتختلف من طفل للتانى فى طفل كفايه عليه النظره عشان يفهم ان الحاجه دى غلط ومش مفروض نعملها
وطفل تانى الحرمان من الكلام معاه او الخروج او الحلويات اللى بيحبها او لعبته المفضله ممكن يؤدى لنتائج رائعه
وفى النهايه لازم انصح كل ام بان يكون العقاب إصلاحيا لا انتقاميا، أي ليس بسبب الحالة المزاجية المضطربة للأم تسرف فى عقاب اولادها لا لازم يكون العقاب مرادف او مساوى للخطا ْ ودرجته بلا اسراف او تدليل .
أعتقد أن هذا يكفي لمحاولة فهم فلذات أكبادنا....لنكون أقرب لهم..اسال الله العظيم رب العرش العظيم ان يهدى اولادنا ويجعلهم من الذريه الصالحه
